Ek Waqt tha jab tujhse pyar karta tha ...

 Ek Waqt tha jab tujhse beinteha pyar karta tha.....
ab to tu khud mohabbat ban chali aaye to mujhe farq nahi padta..

Ek Waqt tha jab teri parwah kiya karta tha .......
ab to tu meri khatir fana bhi ho jaye tho ab far nahi padta..

Ek Waqt tha jab tujhe hazaro message likha  karta tha.....
(social media ka zamana hai ussi pe likha hai )
or koi kaam na tha mera,bas din bhar tera last seen dekha karta tha.....
ab tho arsaa beet gya hai visit kiye hue teri profile ko
ja ja ab tu 24 ghante online rah le MUJHE farq nahi padta .......
Ek Waqt tha jab tujhse bichad jaane ka dar laga rahta tha ......

Tu kahi chhod na de is khayal se sahma sahma sa rahta tha....
(ab  tu  sun le..)
ab itna jaleel hua hu tere ishq me
itna jaleel hua hu teri roz roz ki chorne ki baton se
ki ab tu ek kya 100 martaba chor jaye mujhe farq nahi padta.....
 Ek Waqt tha jab tujhse beinteha pyar karta tha.....

Ek Waqt tha jab tujh bin ek pal bhi na rah skta tha....
Bechain gumshuda sa AKELEpan se darta tha,
lekin ab sun le
Itna waqt bitha chuka hu is akelepan me,
ki ab to taumar tanha rahna pad jaye tho farq nahi padta ...
Ek Waqt tha jab tujhe pyar karta tha..

Ek waqt tha jab tujhe koi chu leta to mera khun khoul utha tha,
Or isliye kayi dafa main in hawao se bair pala karta tha,
arey apne husn ke siwa kuch nahi hai tere pas agar,
       TO JAAA
Tu kisi or ke saath hambistar bhi ho jaye to mujhe farq nahi padta ...
Ek Waqt tha jab tujhse pyar karta tha ...

Itna gurur kiya tune apne is mitti ke jism par,
       JAA 
Tera ye jism kisi or ka ho jaye mujhe farq nahi padta......
Ek Waqt tha jab tujhe pyar karta tha..

Ek Waqt tha jab  khuda se tere liye mannate mangta tha,
mujhe khud to kuch chahiye na tha
bass tere liye apne khuda ko aajmaata tha ,
      lekin ab sun le
Ab Na jhukta hu,na poojta hu,na manta hu kisi ko
Ab to bhale tu khud khuda ban chali aaye tho  mujhe farq nahi padta ..
Ek Waqt tha jab tujhse pyar karta tha ...

Ek Waqt tha jab sher likha karta tha tere liye or sunata tha mahfilo me ,
Arrey ab to arse baad likhi hai adhuri si kaviya tujhpe
(tujpe likhi hai isliye adhuri bol rha hu)
or sun le
ab aage se kuch bhi naa likha jaye mujhe farq nahi padta ..
Btana agar tujhko mil jaye muj jaisa koi or agar
ja ab tu auro ko aajma le mujhe farq nahi padta..
Ek Waqt tha jab tujhe pyar karta tha..

Ek Waqt tha jab tujhe hazaro ki bhid me pahchan liya karta tha,
Hizab me hoti agar to aankho se pahchan kiya karta tha

Areey,

ab tho nigahon se ojhal kiya hai mian ne tujhe iss kadar
ki iss bhid me tu kahi padh bhi rahi hai tho mujhe farq nahi padta..
Ek Waqt tha jab tujhe pyar karta tha..

kair phir bhi karta hu shukriya tere,
Tujhe khone se main ne bahut kuch paa liya hai,
Nazme,gazale,shayriyan sab mil gayi hai mujhe,
or inhone to jaise gale se laga liya hai,
Ab to mujhe sun ne wale  bhi hai,chahne wale bhi hai or daad dene wale bhi hai ,
lekin sun le ki ab itna bekhauf ho gaya hu,
ki ab tho ye sab bhi chod jaye to mujhe farq nahi padta...
Ek Waqt tha jab tujhe pyar karta tha..

arrey ab khud hi me ho gaya hai mast sanjay itna ...
ki koi padhe ya naa padhe farq nahi padta.......
kair chahta tho nahi tha ki tujhe yu benaqab karu sabke sammne,
lekin sun le ki
Ek bewafa meri kalam se beizaat ho jaye to farq nahi padta..
Ek Waqt tha jab tujhe pyar karta tha..
yaad kar vo waqt jab ek lafz nahi sun pata tha tere khilaf,
or ab dekh yaha aake teri tauhin par taliya baj rhi hai tho mujhe farq nahi padtha